ഈ വര്ഷത്തെ കാലവര്ഷം മെയ് 13 -ഓടെ തെക്കന് ആന്ഡമാന് കടല്, തെക്ക് കിഴക്കന് ബംഗാള് ഉള്ക്കടല്, നിക്കോബാര് ദ്വീപ് സമൂഹങ്ങളുടെ ചില ഭാഗങ്ങള് എന്നിവിടങ്ങളില് എത്തിച്ചേരാന് സാധ്യതയെന്ന് കേന്ദ്ര കാലാവസ്ഥാ വകുപ്പ്. തുടര്ന്നുള്ള 4, 5 ദിവസത്തിനുള്ളില് തെക്കന് അറബിക്കടല്, മാലിദ്വീപ്, കൊമോറിന് മേഖലയുടെ ചില ഭാഗങ്ങള്, തെക്കന് ബംഗാള് ഉള്ക്കടലിന്റെ കൂടുതല് ഭാഗങ്ങള്, ആന്ഡമാന് നിക്കോബാര് ദ്വീപുകള്, മധ്യ ബംഗാള് ഉള്ക്കടലിന്റെ ചില ഭാഗങ്ങള് എന്നിവിടങ്ങളിലേക്ക് കാലവര്ഷം വ്യാപിക്കാനും സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
തെക്ക് പടിഞ്ഞാറന് മണ്സൂണ് മെയ് 27 ന് കേരളത്തിലെത്താന് സാധ്യതയെന്നാണ് കേന്ദ്ര കാലാവസ്ഥാ വകുപ്പിന്റെ അറിയിപ്പ്. നാല് ദിവസം വരെ മുന്നോട്ടോ പിന്നോട്ടോ ആവാനും സാധ്യതയുണ്ട്. കഴിഞ്ഞ വര്ഷം മെയ് 31നായിരുന്നു കാലവര്ഷം തുടങ്ങിയത്. കാലവര്ഷം എത്തുന്നതിന് മുന്നോടിയായി വരും ദിവസങ്ങളില് ഒറ്റപ്പെട്ടയിടങ്ങളില് വേനല് മഴ ശക്തമാകാന് സാധ്യതയുണ്ട്.
