പഴഞ്ഞി ഐന്നൂര് സെന്റ് ജോര്ജ് ഓര്ത്തഡോക്സ് പള്ളി പെരുന്നാള് ആഘോഷിച്ചു. ബുധനാഴ്ച്ച രാവിലെ 7 ന് മൂന്നിന്മേല് കുര്ബാന ഉണ്ടായി. വൈകിട്ട്
7ന് സന്ധ്യാനമസ്കാരം തുടര്ന്ന് വാദ്യമേളങ്ങളും കൊടിയും കുരിശുമായി ഐന്നൂര് സെന്ററിലേക്ക് പ്രദക്ഷിണം, ആശീര്വാദം , നേര്ച്ചവിതരണം എന്നിവയുണ്ടായി. രാത്രി ആരംഭിച്ച ദേശക്കാരുടെ ആനയും വാദ്യമേളങ്ങളുമായുള്ള എഴുന്നള്ളിപ്പുകള് പുലര്ച്ചെ സമാപിച്ചു. വ്യാഴാഴ്ച്ച രാവിലെ മൂന്നിന്മേല് കുര്ബാനയെ തുടര്ന്ന് ഉച്ചയോടെ ദേശക്കാരുടെ എഴുന്നള്ളിപ്പുകള് ആരംഭിച്ചു. വൈകിട്ടു എഴുന്നള്ളിപ്പുകള് പള്ളിയിലെത്തി സമാപിച്ചു. പ്രദക്ഷിണം , ആശീര്വാദം , പൊതുസദ്യ എന്നിവയുണ്ടായി . പെരുന്നാളിന് വികാരി ഫാ.ജോര്ജ് ചാക്കോ , ട്രസ്റ്റി എം.വി.ഷാജി, സെക്രട്ടറി വി.കെ.ജോണ് എന്നിവരടങ്ങിയ കമ്മിറ്റി നേതൃത്വം നല്കി.
ADVERTISEMENT
