ആര്ത്താറ്റ് സെന്റ് മേരീസ് ഓര്ത്തഡോക്സ് കത്തീഡ്രലില് വി. ഗീവര്ഗ്ഗീസ് സഹദായുടെ ഓര്മ്മപ്പെരുന്നാള് സെന്റ് ജോര്ജ്ജ് സെമിത്തേരി ചാപ്പലില് ആഘോഷിച്ചു. ചൊവ്വാഴ്ച വൈകീട്ട് 6 മണിക്ക് സന്ധ്യാനമസ്കാരത്തിനു കുന്നംകുളം ഭദ്രാസന മെത്രാപ്പോലീത്ത ഡോ.ഗീവര്ഗ്ഗീസ് മാര് യൂലിയോസ് കാര്മകത്വം വഹിച്ചു. തുടര്ന്ന് പള്ളിക്ക് ചുറ്റും പ്രദക്ഷിണവും ശ്ലൈഹീക വാഴ്വും നടന്നു. തുടര്ന്ന് വിശ്വാസികള്ക്ക് ഭക്ഷണവും ഉണ്ടായി. ബുധനാഴ്ച രാവിലെ 6.30 ന് പ്രഭാത നമസ്കാരം തുടര്ന്ന് 7 മണിക്ക് യൂലിയോസ് തിരുമേനിയുടെ മുഖ്യ കാര്മികത്വത്തില് വിശുദ്ധ മൂന്നിന്മേല് കുര്ബാന, തുടര്ന്ന് പ്രദക്ഷിണം, നേര്ച്ച വിളമ്പും നടന്നു. പെരുന്നാള് ശുശ്രൂഷകള്ക്ക് വൈദീകരും വിശ്വാസികളും പങ്കാളികളായി. ക്രമീകരണങ്ങള്ക്ക് വികാരി ഫാ. വി.എം സാമുവേല്, സഹവികാരി ജോസഫ് ജോര്ജ്ജ്, ട്രസ്റ്റി സി ഐ റെജി, സെക്രട്ടറി കെ.എസ് ബെന്നി, എന്നിവരടങ്ങുന്ന കമ്മിറ്റി നേതൃത്വം നല്കി.
