അപ്രഖ്യാപിത ലോഡ് ഷെഡ്ഡിങ്ങിനെതിരെ വ്യാപക വിമര്ശമുള്ളതായി വൈദ്യുതി റെഗുലേറ്ററി കമ്മീഷന്. ഒരു മണിക്കൂര് മുമ്പെങ്കിലും ലോഡ് ഷെഡ്ഡിങ് വിവരം ഉപഭോക്താക്കളെ അറിയിക്കണമെന്ന് റഗുലേറ്ററി കമ്മീഷന് ആവശ്യപ്പെട്ടു. മണ്സൂണ് ശക്തിപ്പെടുമ്പോള് ഉയര്ന്ന വിലയ്ക്ക് വൈദ്യുതി വാങ്ങുന്നതിന്റെ ബാധ്യത കുറയ്ക്കാന് കെഎസ്ഇബി ശ്രമിക്കണമെന്നും റെഗുലേറ്ററി കമ്മീഷന് ആവശ്യപ്പെട്ടു.ഉയര്ന്ന വിലയ്ക്ക് വൈദ്യുതി വാങ്ങാന് കെഎസ്ഇബിക്ക് റെഗുലേറ്ററി കമ്മീഷന് അനുമതി നല്കി. സെപ്റ്റംബര് ഒഴികെ ജൂലൈ മുതല് ഡിസംബര് വരെ വൈദ്യുതി ഉയര്ന്ന വിലയ്ക്ക് വാങ്ങാം എന്ന് ഉത്തരവില് പറയുന്നു. സംസ്ഥാനത്ത് വൈദ്യുതി നിയന്ത്രണം തുടരുന്നതിനിടെയാണ് കെഎസ്ഇബിയുടെ അപേക്ഷ റെഗുലേറ്ററി കമ്മീഷന് അംഗീകരിച്ചത്. അതേസമയം ആവര്ത്തിച്ച് പറഞ്ഞിട്ടും വിവിധ സ്രോതസ്സുകളില് നിന്നുള്ള വൈദ്യുതിയുടെ വിവരം കെഎസ്ഇബി സമര്പ്പിച്ചില്ലെന്നും ഉത്തരവില് വിമര്ശനമുണ്ട്. കെഎസ്ഇബി പവര് എക്സ്ചേഞ്ചില് നിന്ന് അടക്കം വാങ്ങിയ വൈദ്യുതിയുടെ വിവരങ്ങള് നല്കിയില്ലെന്നാണ് വിമര്ശനം.
