വടക്കേക്കാട് നായരങ്ങാടിയില്‍ ഓടികൊണ്ടിരിക്കുന്ന സ്‌കൂട്ടറിന്റെ ടയര്‍ പൊട്ടി നിയന്ത്രണം വിട്ടു മറിഞ്ഞ് രണ്ടു പേര്‍ക്ക് പരിക്ക്.
തൊഴിയൂര്‍ സ്വദേശി മൂത്തേടത്ത് വീട്ടില്‍ ഹൈദരാലി (56), ആരിഫ (47) എന്നിവര്‍ക്കാണ് പരിക്കുപറ്റിയത്. ശനിയാഴ്ച്ച ഉച്ചക്ക് 2:30 ഓടെ മൂന്നാംകല്ല് റോഡില്‍ വെച്ച് സ്‌കൂട്ടറില്‍ സഞ്ചരിച്ചു കൊണ്ടിരിക്കുന്നതിനിടെ സ്‌കൂട്ടറിന്റെ ടയര്‍ പൊട്ടി നിയന്ത്രണം വിട്ട് മറിഞ്ഞാണ് അപകടം ഉണ്ടായത്. ഇരുവരേയും വൈലത്തൂര്‍ ആക്ടസ് ആംബുലന്‍സ് പ്രവര്‍ത്തകര്‍ കുന്നംകുളം താലൂക്ക് ആശുപത്രിയില്‍ പ്രവേശിപ്പിച്ചു.
