പുന്നയൂര്‍ പഞ്ചായത്ത് മന്ദലാംകുന്ന് യാസീന്‍ പള്ളിക്കു സമീപം മേടോത്ത് അഷ്റഫിന്റെ ഓടു മേഞ്ഞ വീട് ഭാഗികമായി തകര്‍ന്നു. ചുമരില്‍ വിള്ളല്‍ കണ്ടതിനെ തുടര്‍ന്ന് താമസം മാറ്റാനുള്ള ഒരുക്കത്തിനിടെ ഞായറാഴ്ച്ച 3.30 ഓടെയാണ് വീട് വീണത്. അഷ്റഫിന്റെ മാതാവും, ഭാര്യ അഫ്സത്തും 3 മക്കളുമാണ് ഇവിടെ ഉണ്ടായിരുന്നത്. സംഭവ സമയം ഇവര്‍ വീട്ടിനകത്ത് ഉണ്ടായിരുന്നെങ്കിലും പരിക്കേല്‍കാതെ രക്ഷപ്പെട്ടു. വാര്‍ഡ് മെംബര്‍ സുബൈദ പുളിക്കല്‍, ബ്ലോക്ക് മെംബര്‍ കെ.കമറുദ്ദീന്‍ എന്നിവര്‍ സ്ഥലത്തെത്തി.
