താരസംഘടനയായ ‘അമ്മ’യുടെ പ്രസിഡന്റായി ശ്വേത മേനോന്. ചരിത്രത്തില് ആദ്യമായാണ് ഒരു വനിത അമ്മ സംഘടനയുടെ പ്രസിഡന്റ് ആകുന്നത്. വിവാദങ്ങളും ആരോപണ പ്രത്യാരോപണങ്ങളും സജീവമായ തിരഞ്ഞെടുപ്പില് ദേവനെ പരാജയപ്പെടുത്തിയാണ് ശ്വേത മേനോന് വിജയം നേടിയത്. കുക്കു പരമേശ്വരനാണ് ‘അമ്മ’യുടെ ജനറല് സെക്രട്ടറിയായി തിരഞ്ഞെടുക്കപ്പെട്ടത്. ട്രഷറര് ആയി ഉണ്ണി ശിവപാല് തിരഞ്ഞെടുക്കപ്പെട്ടു.
രാവിലെ പത്ത് മുതല് ഉച്ചയ്ക്ക് ഒരു മണി വരെ കൊച്ചി മാരിയറ്റ് ഹോട്ടലിലാണ് തിരഞ്ഞെടുപ്പ് നടന്നത്. 233 വനിതാ അംഗങ്ങള് ഉള്പ്പെടെ 507 അംഗങ്ങള്ക്കാണ് വോട്ടവകാശം ഉള്ളത്. ചെന്നെയിലായതിനാല് മമ്മൂട്ടി വോട്ട് ചെയ്യാന് എത്തിയില്ലെന്നാണ് വിവരം. മോഹന്ലാല്, സുരേഷ്ഗോപി അടക്കമുള്ള പ്രമുഖര് വോട്ട് ചെയ്തു.
ADVERTISEMENT
