കഴിഞ്ഞ ദിവസമുണ്ടായ കനത്ത മഴയില്‍ വടക്കേക്കാട് പഞ്ചായത്തിലെ ചക്കിത്തറ കോളനിയിലെ വീടുകളിലും, കരിച്ചാല്‍ കടവ് ഭാഗത്തെ വീടുകളിലും വെള്ളം കയറിയതിനെ തുടര്‍ന്ന് പഞ്ചായത്ത് കൊച്ചന്നൂര്‍ സ്‌കൂളില്‍ ദുരിതാശ്വാസ ക്യാമ്പ് ആരംഭിച്ചു. കരിച്ചാല്‍ കടവ് പ്രദേശത്തെ 12 വീടുകളില്‍ നിന്നായി 9 പുരുഷന്‍മാരും 10 സ്ത്രീകളുമാണ് ക്യാമ്പിലുള്ളത്. പഞ്ചായത്ത് പ്രസിഡണ്ട് നബീല്‍ എന്‍.എം.കെ യുടെ നേതൃത്വത്തില്‍ ആരോഗ്യവകുപ്പും, ജനപ്രതിനിധികളും ക്യാമ്പില്‍ സന്ദര്‍ശനം നടത്തി.
