തൃശ്ശൂര്‍ റവന്യൂ ജില്ലാ കായികമേളയില്‍ മിന്നുന്ന പ്രകടനത്തോടെ ഇരട്ട സ്വര്‍ണ്ണം നേടി അശ്വനി ജി.പി. ജൂനിയര്‍ പെണ്‍കുട്ടികളുടെ വിഭാഗത്തില്‍ ലോങ്ങ് ജംപ്, 400 മീറ്റര്‍ ഓട്ടം എന്നീ ഇനങ്ങളിലാണ് അശ്വനി ഒന്നാം സ്ഥാനം കരസ്ഥമാക്കിയത്.ചാലക്കുടി എം.ആര്‍.എസ്. സ്‌കൂളിലെ പ്ലസ് വണ്‍ വിദ്യാര്‍ത്ഥിനിയാണ് അശ്വനി. സ്‌കൂളിലെ കായികാധ്യാപകനായ ജയരാജിന്റെ ശിക്ഷണത്തിലാണ് ഈ വളര്‍ന്നുവരുന്ന കായികതാരം പരിശീലനം നേടുന്നത്. കഴിഞ്ഞ വര്‍ഷത്തെ മേളയിലും മികച്ച പ്രകടനം കാഴ്ചവെച്ച അശ്വനി ലോങ്ങ് ജംപില്‍ ഒന്നാം സ്ഥാനവും ട്രിപ്പിള്‍ ജംപില്‍ രണ്ടാം സ്ഥാനവും നേടിയിരുന്നു.വയനാട് കല്‍പ്പറ്റ കുളംകുഴി വീട്ടില്‍ ഗോപിയുടെയും ദമ്പതികളുടെയും മകളാണ് അശ്വനി. തുടര്‍ച്ചയായ വര്‍ഷങ്ങളില്‍ കായികമേളയില്‍ മികച്ച വിജയം കൊയ്യുന്ന അശ്വനിയുടെ നേട്ടം സ്‌കൂളിനും നാടിനും വലിയ അഭിമാനമായി മാറി.
ADVERTISEMENT
