പുന്നയൂര്‍ കനോലി കനാലിലേക്ക് വെള്ളം ഒഴുക്കുന്ന കണ്ണന്‍ചിറ ഷട്ടര്‍ പഞ്ചായത്ത് മെമ്പര്‍ അറഫാത്തിന്റെ നേതൃത്വത്തില്‍ തുറന്നു. അവിയൂരില്‍ വെള്ളക്കെട്ട് ഒഴിയാത്തതിനെ തുടര്‍ന്നാണ് പഞ്ചായത്ത് അംഗത്തിന്റെ നേതൃത്വത്തില്‍ യുവാക്കള്‍ ഷട്ടര്‍ തുറന്നത്. എട്ടംഗ സംഘം 5 മണിക്കൂര്‍ പരിശ്രമിച്ചാണ് 8 അടിയോളം നീളമുള്ള നാല് ഫൈബര്‍ ഷട്ടറുകളും ഇവയെ ഉറപ്പിച്ചു നിര്‍ത്തിയിരുന്ന മരപ്പലകകളും അഴിച്ചെടുത്തത്. ഇതോടെ അവിയൂര്‍ മേഖലയിലെ വെള്ളക്കെട്ടിനു പരിഹാരമായി.
